Upa te hi ram leh hnam, kan khawtlang rohlu in ni. - EM Pu Andrew-a

October 1, 2022 : Vawiin khan Chawngte 'P' Unit MUP te chuan Khawvel upa te ni hlim taka hmangin Lai Autonomous District Council, Executive Member, Pu Andrew Laltlanzara chu khuallian niin a hman pui.

Vawiina upate ni hmannaah Khuallian Pu Andrew Laltlanzara chuan thu sawiin, an vanglai hun khawtlang tana tha leh zung senga an theihna hmang ral tawhtu Upa te chu zahna chibai a buk a, Upa te hi ram leh khawtlang rohlu in ni a ti. Tun hma ziak leh chhiar thiam hma pawhin nundan mawi chu thu hmanga in zirtir chhawng thin an ni a, vawiin ni thlenga nundan mawi kan hmuh leh hriatte hi upa te vang a ni a, thangtharte hian zah taka kan enkawl a tul a ni ti. 

Pu Andrew-a hian Chawngte 'P' khaw chhunga kum 80 chin chunglam mi 14 hnenah duhsakna thilpek a hlan bawk.

Upate ni hmannaah hian CADC Chairman, Pu Kali Kumar Tongchangya pawhin hman puiin thu a sawi a, Upa te hian hlim an mamawh a, zahna leh chawimawina chang hriat lohna hmunah chuan hreawm takin an awm thin a ni. Kohhran, khawtlang leh Politics platform a tang pawhin upa te hlutna hi sawi tam atul hle a, politics ka luh atang term 5 zet hun ka hman chhungin upa te puala hun pawimawh ka  hman vawikhatna a ni a ka lawm tak zet a ni a ti.

Vawiin a upate ni hmannaah hian phenglawng ham te, lemlawi hamte entirin tlai lamah ruai an kil ho nghal a ni.