Chawngte Tlangval, Jeho-a Croatia tournament ah a champion.

November 9, 2022: Croatia a awm mek, playing License nei bawk, Jeho Himnakulhpuingheta chu Croatia Organise Table Tenis Tournament ah khelin a champion.

Croatia organise "16th MEMORIJAL MIRKO ABRAMOVIC" Tournament November ni 4 - 6 a khelh a ni a, Single bik hi November ni 6 ah khelh a ni bawk. He tournament ah hian ram hrang hrang Ukraine, Slovenia, Serbia, Bosnia, Herzegovina, Croatia leh India te an tel a, India aiawhin Jeho-a leh Shubh Goel te an tel.

Croatia tournament a akhelh hmasak berna Senior Category (Mens Single) ah Jeho-a hi a champion a, Group stage ah Second seed Leo Vekic Under-19 World Ranking nei chu 3-2 a hnehin midang pahnih a hneh bawk a, Direct quarter niin Petek Borna Under-19 World ranking nei chu 3-0 in a hneh bawk. Semi final ah hian Luka Zlatkov, WTT tournament pawh khel tawh thin nen intum lehin 3-0 a hneh in final a lut ta a ni.

Final ah hian Croatia Super League-a a club-mate Shubh Goel nen intumin 3-0 a hnehin a champion ta a ni.

Tunah hian Croatia Super League an khel mek bawk a, kartawp ah hian Home ah match 2 an khel ang a, kar leh kar tawp lamah away ah match 2 an khel leh ang.