Chakma Autonomous District Council, Samagra Shiksha Employees Association Annual Conference vawi khatna an hmang.

December 16, 2022: Vawiin khan Tuichawng bialtu MLA Dr. BD Chakma chuan CADC Samagra Shiksha Employees Association Annual conference Chakma District Council Teachers Association (CDCTA) Conference hall Chawngte a neihah khuallian niin a hmanpui.

He hun, Pu Ananta Sen Chakma kaihhruai ah hian khuallian MLA Dr. BD Chakma chuan thu sawiin, Zirna ṭha leh zirlai te chherchhuah kawngah nasa taka mawhphurtute zing ami an nih anga thahnemngai leh taima taka mahni hnate hlen chhuaka rinawm taka thawkturin a chah. 

Chakma Autonomous District Council Chairman, Pu Kali Kumar Tongchangya pawhin khual zahawm niin a hmanpuia thu sawiin, Samagra shiksha a hmun ruak lak belh chungchangah te, regular a laktur chungchangah pawh hun remchang a awm chuan thawk hmasa senior-te ngaipawimawh an nih tur thu a sawi bawk.

CADC Samagra  Shiksha Employees Association ah hian member 231 awmin, vawiin annual conference ah hian mi 135  an tel thei a, CADC a SSA hnuai thawkten in lungrualna leh thawh hona tha tak an neih theih nan Annual Conference hi buatsaih an nih thu an pawl hruaitu ten an sawi a, tlailamah chawhlui an kil ho nghal a ni.