CHAWNGTE WELFARE HIAN ENGNGE AN TIH?

Kan hriat leh hmuh fo tawh angin, Chawngte Area tana innghahna leh kan thlamuan pui em em thin Chawngte Welfare hi hmun thum, Aizawl, Lunglei, Lawngtlai ah te an awm a, tute nge an niha, eng vanga Welfare ding nge an nih tih chu kan hrethiam tlang awm e.

Chawngte Welfare memberte hi Chawngte khaw chhuak, eizawnna leh thil dang avanga hmundanga awmte an ni a, he pawl zahawm tak hmalakna pawimawh leh hlu tak a vang hian Chawngte mipuite min thlamuan thin hle a ni. Kan mangan lai leh ngaihsak kan mamawh lai taka inpe zo taka rawn che chhuak thin an ni a, hun leh sum leh pai tam tak sengin Chawngte Mipui tan an luangral thin a ni.

Social media kaltlangin an hmalakna tam tak ka lo chhiar ve thin a, a ropui ka tiin ka ngaihlu thin hle. Chawngte leh a chhehvel khua tan hian an va hlu tak em. Aizawl, Lunglei, Lawngtlai ah dam lohna avanga in enkawl leh thihna hial tawkte tan innghahna tlak an nih ang hian, keini a khawmite pawh hian theihtawp chhuaha sum hmanga kan support hi a tul tak zet a, Pawl leh Kohhran pawhin kan lo tanpui tawh thin ang hian an tha tichakin i thlahthlam hauh lovang u.