Lawngtlai Bawrhsap leh CADC Caretaker nibawk, Pu Amol Srivastava IAS chuan Chawngte a hmun pawimawh hrang hrang a tlawh.

January 10, 2023 Chawngte: Vawiin khan Lawngtlai Bawrhsap leh CADC Caretaker ni bawk, Pu Amol Srivastava IAS chuan Chawngte a zirna in leh hmun pawimawh hrang hrang a tlawh a, Eklevia Model Residential School building la luah loh chu tlawhin, an Principal Pu Lalhrezuala Fanai leh a thawhpui ten an lo dawngsawng a, Govt. Higher Secondary School leh Govt. Kamalanagar College a tlawh bawk. DC hian CADC Secretariat Building la sak zawh loh pawh a hmunah kalin a enfiah a, NABARD sum ₹ 810 lakhs hmang siam hna kal mek Chawngte Rural Drinking Water Supply Scheme pawh a hmunah ah a enfiah bawk.

DC Pu Amol Srivastava hian School naupang 500 awmna Public School ah kalin naupangte dinhmun a enfiah a, chithlum a sem a ni. DC hi Chawngte SDO, Dr. Manesia Khaimeichho leh CADC DTO, Pu Sadananda leh mipawimawh dang ten an ṭawiawm.