Lawngtlai Bawrhsap, CADC Caretaker ni bawk, Pu Amol Drivastava  chuan CADC, CEM Chamber ah Chawngte a NGO hruaitute a kawm.

January 09, 2023 Chawngte: Vawiin khan Lawngtlai Bawrhsap, Pu Amol Srivastava  chuan Chawngtea  NGO hruaitute ko khawmin CEM Office ah inkawmhona an nei a,  mithiam chhawrtlak chherchhuahna ah tanlak zual a tul thu a sawi a, khawtlang hruaitu kal khawm te chuan harsatna hrang te DC hnen ah hian thlenin, Zirlai engemaw zatin Science leh Comerce zirtirtu awmloh avanga harsatna an neih mek thu an thlen a, Bawrsap hnenah hian 11th CADC inthlan chu kumin April thla hmaa neih a nih theih nan Party hrang hrang leh All NGO ten an ngen bawk.

An tarlan danin, April thla hi Chakma hnam tana kût pui ber 'Bizu' hun a nih thin avangin he an hunpui nena insubuai lo tur leh an kût puiber leh inthlan hun a inrual chuan harsatna tam tak a thlen theih ringin 11th Chakma Autonomous District Council in thlan chu kumin April thla hma ngeia neih a nih theih nan hmalaksak turin ngenna an thehlut a ni.

CADC ah hian sorkarna a kal mumal theihloh vangin Governor chuan thiatin Lawngtlai DC chu CADC enkawl tur a tih a nih angin Pu Amol Srivastava hian CADC hi a tlawh a ni.