Chawngteah Eye Camp neiin  mi 92 te mit an zai.

February 15, 2024: National Programme for Control of Blindness & Visual Impairment hnuaiah Eye Surgeon, Dr. KL Remsanga leh a team te Aizawl atanga lo kalin February ni 9 atang khan Chawngteah Eye Camp neih a ni a,  cataract patients 92 te chu hlawhtling taka zai an ni.

Vawiin a free Eye Camp kharna Community Health Centre Chawngte a neihah hian Dr. KL. Remsanga leh a teamte chuan Eye Camp hlawhtling tak an nei thei chu lawmawm an ti hle a, Mit dimdawih taka enkawl dante zirtirin  CHC Chawngte a thawktute nen thawh hona tha tak an neih avang pawhin an lawm hle a ni.