"Kawng tha kan neih dawn avangin kawng a khu"

- LADC CEM Zirsanga

March 10, 2023: Lai Autonomous District Council, Chief Executive Member, Pu V. Zirsanga chuan Lawngtlai West lam fangin vawiin khan chawngte 'P' a tlawh a, Village Council hotute, khawtlang hruaitute leh Sorkar mipawimawh ten lo dawng sawngin, Chawngte 'P' YMA Library hnuaiah Public meeting neiin thu a sawi. CEM Pu V. Zirsanga chuan, "Congress sorkar lai chuan kawng a chhiat avangin kawng a khu a, MNF kan sorkar hnu chuan kawng a that dawn avangin kawng hi a khu ve thung a ni a ti. Kan hotuten rem an tih chuan kumin MLA inthlanpui lo awm turah Lawngtlai West bialah ka ding dawn a, hnehna pawh ka chang ngei ang a ti. CEM Pu Zira chuan 'Dawt sawi zeuh zeuh hi ZPM in kalphungthar tia an sawi chu a ni tiin a sawi.

Chawngte 'P' VCP, Pu Laltawnliana kaihhruai vantlang inkhawmah hian LADC Executive Member, Pu Lawmsanga Apeto, Pu HC. Lalthawmliana, Pu C. Rongura leh Chawngte 'P' bialtu MDC Pu Andrew Laltlanzara te pawhin thu an sawi.