LADC CEM Pu V. Zirsanga chuan, Chawngte 'P' VC House a hawng.

March 11, 2023: Vawiin khan Lai Autonomous District Council, Chief Executive Member, Pu V. Zirsanga chuan Chawngte 'P' Village Council House a hawng. 

Chawngte 'P' VCP, Pu Laltawnliana kaihhruai VC House hawnna inkhawm tawiah CEM Pu V. Zirsanga chuan thusawiin, VC House ṭha tak an nei thei chu a lawmpui takzet tih sawiin, thawhhona tha tak nen khawtlang rawngbawl turin a chah bawk. CEM hian VC house a hman tur property lei nan Rs. 10000 a hlan bawk.

LADC Executive Member, Pu C. Hrangthianga pawhin thu sawiin, Pu V. Zirsanga kaihhruai LADC sorkar hi a nghet a, kan lungawi tlang a ni. Western lam MDC te hian Western hmasawnna tur hi kan vei tlang a, hma kan la mek a ni a ti.

Chawngte 'P' VC House hi Fifteen finance Commision (XV - FC) leh LAD a tanga sum Rs. 14,69,000/- hmanga sak a ni. CEM Pu V. Zirsanga hi Chawngte 'P' bialtu EM Pu Andrew Laltlanzara leh EM leh MDC dang te bakah Party hruaitu ten an tawiawm a ni.