Kuthnathawktu mahni thiamna leh tuina hmanga dinchhuah tuma ṭangte kan tanpui dawn. - C. Ngunlianchunga

March 13, 2023: Lawngtlai West bialtu MLA Pu C. Ngunlianchunga chuan a bial fangin vawiin khan Chawngte 'P' a thleng. 

Chawngte 'P' Congress Unit President, Pu C. Vanlalfamkima kaihhruai inkhawm tawi neihah MLA Pu C. Ngunlianchunga chuan, 'Autonomous District Council te Direct funding chungchangah MNF chuan thuneihna sang zawk kan neih an rem ti lova, Minister Pu R. Lalzirliana'n Session a a sawikha kan hria anga, Amah khan a lem der te a nih ngawt loh chuan Congress Party chuan kan lem der ve lova, kan lem der lo tih lantirna tur Document kan nei vek a ni a ti. Politics kan khelh hian thu dik sawi tur a ni a, dawt hmangin politics hi khel loh tur a ni a, tun ṭum Session kha zawhna tam ber ṭum a ni hial ang, a chhan chu hruaituten thil an tih dik loh vang a ni a ti. Pathian leh mipuite zarah sawrkarna kan siam ngei anga, chutih hunah chuan Ṭang ṭanpuina kan pe dawn a ni, mahni tuina leh thiamna hmanga hmalatute an intodelh theih nan kan tanpui dawn a ni. a ti bawk.

MLA Pu C. Ngunlianchunga hi MDC Pu Lalmuanthanga leh Party hruaitu ten an tawiawmin thusawina an nei bawk.