INFIAMNA  KHAWVELAH CHUANG CHHUAK THEI I LA.

March 24, 2023 :

        Vanneihthlak takin infiam mite tan a hlu tak khelmual tha leh nuam tak kan nei ta, thalai infiam mite pawhin nuam an tiin zing leh tlai lamah thalai eng emaw zat an pungkhawm thin a, a lawmawm hle. Infiamna in a ken tel hlu em em mai chu hriselna a ni a, rilru leh taksa a lo hrisel chuan hnathawhna kawngah pawh phurna leh thathona tam tak a thlen a, thalai ruihhlo tihna hun remchang a tlem phah thei bawk.

            Hetih mek lai hian thalai infiam mite hmasawnna leh eizawnna tlaka an hman theih nan kawng kawhhmuhtu tha erawh an mamawh hle niin a lang. Chawngte leh a chhehvel a duhtawk mai lova, Chawngte khaw chhuak Zoram pawn thleng pawha kal thei tura kan chher chhuah theih nan ruahmanna tha leh kalphung felfai zawka kal theih dan kawng kan zawn a hun ta hle mai.