Ram leh hnam hmasawnna bulpui leh changkanna chu, zirna lama hmasawnna hi a ni.

– Pu Andrew Laltlanzara

March 29, 2023: Nimin khan CEM's Best Teachers Award leh Incentive Cast Award to Top-Ten Meritorious Students in Competitive Common Question Examination 2023, chu LADC Conference Hallah Sem a ni a, LADC EM Education M/S & Controlling Authority LADCBSE, leh Chawngte 'P' Bialtu MDC ni bawk, Pu Andrew Laltlanzara chuan khuallian niin a hmanpui.

EM, Pu Andrew-a chuan thusawiin, Pu V. Zirsanga CEM kaihhruai sorkar chuan, langthei leh langthei lo lamah pawh, Ram leh hnam tan tha hnem ngai takin hna athawk thin a, Ram leh hnam hmasawnna bulpui leh changkanna chu, zirna lama hmasawnna hi a ni tih hriain, theih tawp chhuahin hma kan la zel dawn a ni, a ti. Kohhran leh Khawthlang thilah pawh inhman dan tawk chin kan hriat atul thin, zirlaibu a inziak zawng zawng hi kan hriat atul, Pass a pawlsawn mai hi kan duh tawk tur a ni lovang, midangte aia thiam zawk ni tura, inbuatsaih thin a pawimawh, tunlai Khawvel intlan siakna leh  rual elna khawvelah hian, a tha ber ni tum ula, Social media hi hmang tangkai thiam ula, inzirna ti bahlahtu nih tir loh tur, zirlai chuan kan zirlai kan ngai pawimawh ber thin tur ani, a ti bawk.

CEM's Best Teacher's Award sem vawikhatna inkhawm hi, LADCBSE Secretary, Pu A. Zaithanga kaihhruaina in neih a ni a, LADC EM, Pu L. Daniala pawhin thu a sawi.

CEM's Best Teachers Award, Middle School Teacher a dawngtu  chu Pi F. Sangkili D/o F. Tialkhuaia (L) Headmistress Govt. Sangau  M.S a ni a, Primary Teachers a dawngtu chu Pu H. VLMSD Liangchhunga S/o H. Thathrina, Headmaster Cheural PS-III a ni, Award dawngtute hnenah hian Rs. 50000:00 leh Citation hlan an ni. Incentive Cash Award to Top-Ten Meritorious Students in Competitive Common Question Examination 2023 pawh, Middle leh Primary zirlaite hnenah pek anni bawka, Pawisa leh Citations hlan an ni bawk.