LEI CHIM

 

NEWS: March 27, 2023: Vawiin dar 10:30 vel khan Lawngtlai District, Vaseikai leh Longpuighat inkalpawhna Tuichawng lui kantu Lei chu Truck in a zawh chim.

Thudawn na in atarlan danin, 71 BRTF Greef Lawngtlai Motor(HYVA) Reg. No. RJ.19 GG 6135 hian GSB (|iau) a phur niin an sawi a, lei lai taka an awm laiin a chim ta a ni, Motorah hian Driver chauh chuangin Lei a lo awm mi pakhat a chim thlakpui a, thi erawh an awm lo. Hliam tuarte hi Lawngtlai District Hospital panpui nghal an ni.

Tuna lei chim chhakah hian nikum April 6, dar 5:30Pm vel khan tun a lei chim thlakna tur atana Lei dawh lai chu alo chim tawh a, hnathawktu hnamdang engemawzatin hliam an tuar a, mi pakhaktin nunna a chan nghe nghe a ni. Nikum lama lei chim kha BRO enkawl, VIJ Engineering, Delhi te siam a ni.

Vawiina Lei chimta thui zawng hi feet 100 vel a ni a, lui atanga a san zawng hi feet 40 bawr vel a ni, he Lei hi kum 2000 vela dawh tan niin an sawi.