CADC Final Electoral roll tlangzarh takah Vote 35885 a awm.
April 5, 2023 : Vawiin khan Chakma Autonomous District Council Election a hman tur, Final Electoral Roll chu Chawngte Civil SDO Conference hall-ah Addl. DC, Pu Abraham Beirazi Khitie chuan a tlangzarh.
Pu Abrahama chuan, Political party aiawh leh khawtlang hruaitu zahawm tak takte lawmna chibai bukin, roll tlangzarh theih nana rim taka thawktute hnenah lawmthu a sawi a, dik leh fel taka inthlanna kalpui a nih theih nan hma kan la mek zel a, Political party te pawh duhsakna ka hlan che u a ni. a ti. Election Officer, Pu Daniel Sailo chuan CADC Final Electoral roll dinhmun report a pe bawk.
Vawiin a Roll tlangzarhah hian CADC a MDC Constituency 20 ah Vote 35885 a awm a, heng zinga mi 18208 chu mipa niin, mi 17677 chu hmeichhia an ni thung.
March ni 6, 2023 khan Draft roll tichhuah a ni a, Draft roll voter 35298 a awm laiin Final roll ah hian voter 35885 a awm thung a, Draft Roll ai a punna hi 587 a ni. Kamalanagar – 'N' Constituency chu Voter tamna ber niin, voter hmeichhia 1750 leh mipa 1783 a vaiin Voter 3533 an awm a, Fultuli Constituency chu voter tlemna ber niin hmeichhia 677 leh mipa 628 a vaiin Voter 1305 an awm.
CADC Final roll tlangzarh tak hi Political Party hrang hrang hnenah a hlan nghal a ni.
No comments:
Post a Comment