Chawngte Group YMA chuan an group huamchhungah Chakma Foreigner dap chhuah ni rawh se tiin an rel.

 

April 12, 2023: Young Mizo Association Chawngte Group chuan Zehtet ah inkhawmpui neiin vawiin khan ro an rel a, hmalakna tur eng emaw zat an passed a, Zanin vantlang inkhawmah Chawngte Civil SDO Pu Lalneihthanga Colney chu khuallian niin a hmanpui bawk ang.

Chawngte Group YMA President, Pu ZD. Ramngamzauva kaihhruai, vawiin a rorelah hian hian Chawngte Group huamchhunga Chakma Foreigner dap chhuah te, Nungcha humhalh te, Chhumkhum to Chawngte road leh Chawngte to Mualbu ‘L’ road maintain hna tha taka thawh a nih theih nan hmalak te, Lungrang ah Police Beat Post a awm theih nana hmalak te an rel. Vawiina rorelah hian an pawl hruaitu tur thlanna an nei a, President – PC. Lalramnghaka, Vice President – ZD Ramngamzauva, Secretary – HC. Lalthangliana, Asst. Secretary – TBC. Lalramliana, Treasurer – Peter Lalthanliana, Fin. Secretary – HC. Tlangthanmawia te an thlang chhuak bawk.