Chawngte leh a chheh vela ruihhlo hluar zel tur venna tura ruahmanna siamin khawtlang hruaitute an thu khawm.
June 19, 2023: Vawiin khan Chawngte Civil SDO Pu Lalneihthanga Colney kaihhruaina in SDO Cenference Hall ah ruihhlo hluar zel tur venna tura hmalak an rel.
Vawiina thukhawm ah hian Medical lam hotute leh Police Department aiawhte telin Chawngte Area a tlawmngaipawl leh VC aiawhte an tel a, thalai ruihhlo in a tihbuai mekte chhanchhuahna turin beihpui thlak a tul an ni an ti.
Police te sawi danin, Police lam indaihlohna avangin hmalak a har thu a sawi a, NGO hruaitute nen thawhhona tha neih a tul thu an sawi. Khawtlang hruaituten an thu hriat ang ang te in hrilh hriain la ho zel ang u an ti a ni. CHC Chawngte aiawhin Dr. Rinisha Chakma pawhin thu a sawi a, Ruihhlo hman khawlohna chungchangah mi eng emaw zat counseling an pek tawh thu sawiin, ruihhlo hluar zel tur venna kawngah zirlaite hnenah zirtirna nasa tak an pek zel thu a sawi bawk. Nasa zawka Awareness campaign buatsaiha, Social Media te tangkai taka hman nise tiin rawtna a thlen bawk a ni.
Police lam indaih lohna avanga harsatna sutkian a nih theih nan, 3rd IR atanga sipai dah a nih theih nan thuneitute hnenah thlen nise an ti bawk.
No comments:
Post a Comment