Chawngte Area chawmtu Transformer chhia chungchangah Chawngte Civil SDO Pu Lalneihthanga Colney chuan Chawngte Power Sub-Station a tlawh.

 

June 19, 2023: Chawngte Power Sub-Station a Chawngte Area chawmtu Transformer chhiat vanga êng pekchhuah theih loh chungchangah vawiin khan thil awmdan enfiah in Chawngte Civil SDO, Pu Lalneihthanga Colney chuan Chawngte Power Sub-Station a tlawh a, an khawl dinhmun a enfiah. JE Pu Ramnienga Khiangte in lo dawngsawngin thil awmdan a hrilhfiah a, Chawngte Area chawmtu Transformer 2.5MVA chu Zirtawpni khan a chhiat avangin eng an pechhuak thei lova, department thuneitute hnenah thlen nghalin chak taka hma an lak nghal thu a sawi. Tunah hian Transformer 1MVA chu hman lailawk a tan buatsaih mek a ni a, Oil filltering hmanrua pawh Chawngte lo thleng tawhin in en chhawk dan ruahman mek a ni a ti. Tin, Transformer lian 2.5MVA hi Zuangtui a tangin anlo phur mek tih a sawi a, department a an hotute hmalakna chaktak avangin a lawmawm hle a ni a ti. 2.5MVA Transfomer hi a lo thlen hunah a value endikin filltering tih zawh a nih hnuah tha taka eng pek chhuah theih ngei a beisei bawk.

Chawngte Power Sub-Station hian Chawngte Area khaw 41 a chawm mek a, heng khaw 41 te hian zirtawpni atang khan eng an hmu tawh lo a ni.