Young Mizo Association Day hlim takin an hmang.

 

June 15, 2023: Mizoram a tlawmngai pawl lian ber, Young Mizo Association (YMA) Day chu nimin khan hlim takin an hmang.

Chawngte ‘P’ Branch chuan, zingkarah khawlai tifaiin Section tinte an hnatlang a, Vengchhung mi harsa zual thlan chhuahte hnenah thilpek an hlan a ni. chhung lamah intih hlimna hun hmangin, Volley Ball, inhruipawh, Air Rifle in kah siak, Scooty in khalh muan siak leh a dangte hmangin hun an hmanga, zan lamah in khawmna hun hmangin, Khuallian a tan, SDO PHED Pu Lalnunfela hmangin, Tuihna humhalh pawimawhna te a sawi. Lengkhawm zai intih siakna te neiin hun hlimawm tak an hmang.

 

Hetiang bawkin Chawngte ‘C’ Branch te chuan chhun lamah BBS Hall ah inkhawmna hun hmangin, Pu C. Lalngilneia kaihhruai ah, SDO (C) Pu Lalneihthanga Colney leh Pu Vanlalthuama Colney ten thu an sawi a, Zirlai hlawhtlinna changte hnenah chawimawina thilpek an hlan bawk a, chawhnu lam khan infiamna hun an hmang nghal bawk a ni.

Chawngte ‘L’ Branch erawh khawtlang in chhiat an tawh avangin YMA Day Programme an hmang thei lo.