Kamalanagar-II Indoor Stadium sak mek chu vawiin khan CADC Chief Executive Member Pu Rasik Mohan Chakma in a tlawh.

 

July 5, 2023: Khawtlang hmasawnna hna thawh mek enfiahin vawiin khan Chakma Autonomous District Council a CEM Pu Rasik Mohan Chakma chuan Kamalanagar – II Indoor Stadium sak mek a tlawh.

Kamalanagar – II a sak mek Indoor Stadium hi NEC sum hmanga sak niin, a dung 56ft leh avang 53ft niin a san zawng 39ft a ni tur a ni. Hemi sakna tur sum chu Rs. 65 lakhs a ni. CEM chuan khawtlang mamawh leh tangkai tak tur rotling a nih avangin uluk leh tha taka hna thawk turin hnathawktute a hrilh hre nghal a, side drain tha tak siam angaih thu a sawi bawk. CEM hi Executive Member, Pu Santosh Chakma leh Civil SDO, Pu Lalneihthanga Colney ten an tawiawm.