Mizo Hmeichhe Insuihkhawm Pawl Day hlim takin an hmang.

 

July 6. 2023: Ramchhung hmundang ang bawkin vawiin khan MHIP Day chu Chawngte khawpui chhungah Branch pathum ten hlim takin hun an hmang.

 

Chawngte ‘L’ Branch chuan chawhma dar 10:30 khan Community Hall ah inkhawmna hun an hmang a, an Branch President, Pi K. Hmingthangseii kaihruaiah member ten hlim takin hunan hmang thei a ni.

 

Chawngte ‘P’ Branch-ah chuan Branch Vice President, Pi B. Sangpari’n kaihruaiin Chawngte ‘P’ Community hall-ah an hmang a, LADC Executive Member, Pu Andrew Laltlanzara chu khuallian niin a hmanpui bawk a, Section hrang hrang te intihsiakna neiin member thi te sunna hun an hmang bawk a ni.

 

Chawngte ‘C’ Branch-ah hian Baptist Boarding School Hall ah an Branch President, Pi PC. Lalduhzuali kaihhruaina in hun an hmang ve thung a, thusawi, zai leh lam hmanga intih hlimna hun hmangin Chawngte Civil SDO, Pu Lalneihthanga Colney in a hmanpui a ni.