LADC hnuaia Adult Education Wing buatsaihin International Literacy Day hman a ni.

 

September 8, 2023: Rev.Thanzinga Memorial Middle School, Chawnhu a International Literacy Day an hman hi District Council Asst.Education Officer, Pu C. Sangthanzuala, chuan a kaihruai a,   khuallian LADC-a Executive Member, Middle School changtu, Pu Andrew Laltlanzara, chuan International Literacy Day chu kum 1966 atanga hman tan anih thu sawiin, Kum 2011 Mizoram Chhiarpui ah, Ziak leh Chhiar thiam tehna ah Mizoram chu   91.58% kan ni a, India ram pumah Ziak leh Chhiar thiam  tehnaah Mizoram chu 3-na kan ni tiin, Mizorama District zingah Serchhip chu Ziak leh Chhiar thiam tamna ber niin, Lawngtlai District chu chu a hniam ber kan nih thu a sawi a. Kan hniamna chhan chu chhuanlam tur tam tak awm mahse, tun ai hian zirna kawngah tan kan lak a ngai hle tih a chiang a, a ti a Zirtirtute pawhin hei hi an mawhphurhnaa ngai a, hlawhlakna atan chauha thawktu rilru pu lova, zirna kawnga hmasawnna a awm theih nan theihtawp chhuah thar leh turin a chah.

 

Khuallian chuan puitling ziak leh chhiar thiam lo ten ziak leh chhiar an thiam theih nan LADC Adult Education Wing in hma a la thin tih sawiin, ziak leh chhiar thiam tlemna thingtlang khuaah te pawh zirtirna pe turin Instructor engemaw zat chhawr mek a nih thu sawi a bawk a. 'Zirtirtu thenkhat aikal  chhawr ching kan awm thin hi a pawi hle a, hetiang mite hian an sim pawh a tha a, khawtlang pawhin hetiang tihchingte hi kan dem ngam pawh a hun ta hle a ni' a ti.

 

Asst. Professor, Govt. Lawngtlai College, Pu C. Lalthlamuana chuan Adult Education kalphung leh a pawimawhna chungchang a sawi a, Zirtirtute leh Chawnhu Khawtlang hruaitute atangin thusawi ngaihthlak a ni bawk. EEO M/S, LADC Pu F. Lalhmachhuana, in kalkhawmte hnenah lawmthu sawina hun a hmang bawk a ni.