In rawk, thil bo thawm a nasa.
Tun laiin school leh mimal In rawka thil ruk sawi tur a tam hle mai, mipui te kan fimkhur tlan atul khawp mai a, fimkhur sen ngaihna erawh a awmlo hle thung. Khawtlang ralti tak chungin kan tuar chho mek chu a ni a, Tala lian pawhin awmzia a nei teh chiam lovin a lang.
Rukru ten an thil ruk hi an mamawhin an hmang tangkai ta em? chhungkaw harsatna avanga ru nge an nih a, ruihhlo vang zawk. Chhungkaw harsatna avang ru an nih a rinawm chiah lova, ruihhlo tihna tur, an mamawh thawkchhuak silova ru ta mai an ang zawk mahin alang a ni. Heng an thil ruk te hi hralhna tur an tlachham lo tih chu a takin hmulo mah ila, thawhchhuah phu lova hausa te kan hriatthiam ang thovin a hriatthiam theih awm e. Hetianga thil ruk lei sak thinte hi mi pangai tak takah hian an awm ang em tih ngaihtuahna aluah ve tlat a, dawra rate pangai aia tlawm a an hmuh theih mai avanga lo leisak duhna thinlung neitu khua leh tui kan nih chuan khawtlang tichhetu zingah kan telve reng tihna a ni dawn a ni.
Rukru te hi kan dang chep thei tih hria ila, rinhlelh kai thil zuarte leisak lo mai bakah chutiang mi kan tawng fuh a nih chuan khawtlang hruaitute leh thuneitute hriattir hi kan mawhphurhnaah ngai ila, khawtlang ralmuang siam turin chhung tin te i tangrual ang u.
No comments:
Post a Comment