Kamalanagar Higher Secondary School kawtah zirlai an pungkhawm.

 

June 5, 2024: Vawiin khan Kamalanagar Higher Secondary school Chawngte a zirtirtute school kaltur chu zirlai Uniform ha ten 'Lecturer kan duh' tia thuziak kengin an au rual a ni.

 

Mizo Students' Union Headquarters Chawngte chuan Kamalanagar Higher Secondary School Chawngteah hian thawktu an indaih lo thu leh Education leh Economics lecturer an awm loh thu Mizoram Sorkarah thlenin an thil thlente tihhlawhtlin a nih loh chuan school kai tur dan an tum thu thuchhuah a siam tawh a, Education Minister hnen atangin chhanna duhawm tak an dawn avangin nimin khan school kai tur dan an tum pawh an in hnukdawk ta a ni. Chuti chung chuan tukin khan zirlai Uniform ha eng emaw zatin school kai tur dangin school kawtah an pungkhawm a, MSU hruaituten Mizoram sawrkar nena an in dawr tawn dan hrilhfiahin, June thla chhung ngeiin thawktu indaih lohna chu siamthat tumna leh Lecturer pawh dah ngei tura Minister Zahawm takin a tiam avangin zirlai te chu inbengdaia tha taka school kai turin MSU hruaitute hian an hriattir June thla ral hmaa Lecturer dah a nih loh chuan chak taka hmalak a nih tur thu an sawi hnuah boruak duhawmlo engmah thleng lovin school an kai tan a ni.

 

Kan tarlan tawh angin, Govt. Kamalanagar Higher Secondary School Chawngteah hian thawktu an in daihlo hle a, Lecturer 14 awm tura ngaih anih laiin tun dinhmunah Lecturer 5 chauh an awm a, nikum September thla atang khan Economics leh Education Lecturer nei lovin zirlai ten an duhzawng subject pawh an thlang hleithei tawh lo a ni.