LADC hnuaia Village Council inthlan lo awm turah Chawngte 'P' Village ah Cadidate 28 an awm dawn.

June 19, 2024: Lai Autonomous District Council hnuaia Village Council inthlan lo awm turah Chawngte 'P' ah Party pathum Official candidate leh Independent Candidate pasarih awmin Candidate 28 an awm dawn.

Chawngte 'P' ah hian Village Council member General ah seat 6 awmin reservation seat (Hmeichhe tan) seat khat a awm a, heng seat chuh tur hian State sorkar rorel lai ZPM party te, MNF party leh Congress Party te chuan an chuh kim vek dawn a, Independent atangin General seat 6 leh Hmeichhia te puala ruat bik 1 in a chuh dawn bawk a ni.

Election official te hnen atanga The Chawngte Times thu dawn danin vawiin tlai dar 3 thleng khan chuhtum zawng zawng te hian Scrutiny an paltlang vek tih sawiin, June ni 21 chawhnu dar 1:00 thlenga inhnukdawk an awmlo a nih chuan General seat ah mi 24 leh Hmeichhe seat ah 4 an vaiin candidate 28 an awm dawn a ni.

Tarlan tawh angin kan hma June 27, 2024. 7:00AM - 5:00PM hian Village Council inthlan neih a ni dawn a, vote thlak zawhah chhiar nghal a ni ang. mipui ten he inthlan hi ngaipawimawh a, vote thlak hunchhungah ngei vote nei zawng zawngin vote thlak theuh turin Election official te chuan an beisei thu an sawi.