Vawiin khan Chakma Autonomous District Council Secretariat ah, District Council Sericulture Officer Pi Binita Chakma sunna hun an hmang.

 

August 29, 2024: He sunna inkhawmah hian CADC CEM leh MLA ni bawk, Pu Rasik Mohan Chakma leh CADC department hrang hranga official-te chuan CADC leh khawtlang tana a rawngbawlna hlu tak avangin zahna an hlan a ni.

 

Pu Rasik Mohan Chakma, chuan Pi Binita Chakma hun lo taka a boral chu a lungchhiat thlak atih thu a sawi. Officer inpe leh thawkrim tak, CADC-a thawktu a nih mai bakah Chakma Mahila Samiti member active tak niin khawtlang tana mi tangkai tak ni a, “A boral hi a chhungte tan mai nilovin Chakma hnam tan chuan hlohna nasa tak a ni,” a ti. CADC Executive Committee aiawhin lusun chhungte chu thinlung takin a tawrhpui thu a sawi a.

 

Chakma District Council Employees’ Association (CDCEA) President, Dg. H. Nutan Chakma, pawhin Pi Binita Chakma mi rilru ṭha tak, talent danglam tak nei a nih thu leh Chakma te tanga Sericulture zir chhuak hmasaber a nih chu chhuanawm a tih thu a sawi.

 

Pi Binita Chakma hian CADC-ah Sericulture Extension Officer hna a thawk tan a, a hnuah District Council Sericulture Officer-ah a kaisang a, a boral thlengin he hna hi a thawk a, kum 14, thla 11 leh ni 13 chhung a thawh hnuin August ni 28, 2024 khan Agape Mult Specialty Hospital Aizawlah a boralin a pasal leh a fate pahnih a kalsan a ni.

 

Chawngte ‘P’ Village Council hruaitu ten an khawchhung Sorkar school leh office an tlawh.

 

August 20, 2024 :        Vawiin khan Chawngte ‘P’ Village Council hruaitute chuan VCP Pu Lalrozama kaihhruahnain an khawchhunga Sorkar zirna In leh Pisa te tlawhin inkawmhona hun an hmang.

 

            Sorkar School leh Office tlawhna hun an hmanah thawktu ten tha taka lo dawngsawngin, zirna, office leh khawtlang hmasawnna duhawm tak a awm theih nan thil sawiho a ni a, School leh office a thawktute pawhin Village Council hruaitu ten an tlawh chu lawmawm an tih thu sawiin, hmasawnna a awm theih nan rawtna te an thlen a, Village Council hruaitute pawhin zirna leh khawtlang hmasawnna tur chuan theih tawp chhuah in hma lak zel an tum tih an sawi a, hlei bik nei lovin khawtlang mamawhte chu thuneitu sang zawkah thlen turin theih tawpin hma an la zel dawn tih an sawi.

           

            Vawiin Sorkar School leh Office tlawhnaah hian, Govt, High School Chawngte, Bethani Anganwadi Centre, Govt. Hermon Middle School Chawngte ‘P’, Public Health Engineering Department SDO Office, Health & Wellness Centre, LADC Revenue Dept. Office, Forest Range Office te an tlawh a, naktuk hian office leh School dang an tlawh leh ang.

 

 

 Chawngte ah India Independence Day ropui taka lawmna neih a ni.

 

August 15, 2024: Vawiin khan India ram zalenna ni vawi 78na chu ropui taka lawmna hun Chawngteah hman a ni a, MLA leh CEM, CADC ni bawk, Pu Rasik Mohan Chakma chu khuallian niin ram puanzar a pawtpharh.

 

Independence day lawmna pual hian khuallian Pu Rasik Mohan Chakma hian zing karah Chawngte CHC ah damlo te kanin thilpek a hlan a, Executive Member Pu Montu Chakma, MDC Pu RD. Sangzela leh Pu Santosh Chakma, leh SDO (C) staff ten an tawiawm.

 

Chawhma dar 8:30 khan Chawngte ‘C’ khelmualah lawmna hun hman niin Khuallian Pu Rasik Mohan Chakma chuan ram puanzar pawt pharhin, NCC Unit leh School contingent sawmpahnih te hman puanzar chibai buk a chhang let a ni.

 

Khuallian chuan thu sawiin, India ram zalenna sualtu, Mahatma Gandhi, Pt. Jawaharlal Nehru, Netaji Subhas Chandra Bose, Bhagat Singh leh midangte pawh sawiin Independence hnu lama hmathlir neitute thawhhlawkzia a sawi bawk a, India ram chu khawvel ram chak takah a chantir thei a ni. A bik takin Dr. B.R. Ambedkar chu ram chhunga hnam hnuaihnung leh hnam tlem zawkte chakna pe thei tur constitutional framework nghet tak siam tura a thawhhlawk avangin lawmthu a sawi. Kum 2023-2024 chhunga CADC hlawhtlinna hrang hrangte a tarlang bawk a, zirna, infrastructure, leh social welfare lama hmasawnna te bakah Chawngte Sub-Division-a hmasawnna hna thawh mekte a tarlang bawk.

 

Vanduaithlak takin march past a tel school naupang engemaw zat chu Ni sa avanga harsatna tawkin an tlu a, an zinga mi 23 te chu CHC pan pui nghal an ni a, dinhmun thalo leh ngaihtuahawm erawh an awmlo tih damdawiin thuneitute hnen atangin The Chawngte Times chuan thu a dawng a ni.

 

Vawiina I-Day lawmnaah Art & Culture Department CADC, Central Chakma Mahila Samiti, Branch YMA Chawngte-P, leh school thenkhat atangin lam hmuhnawm tak tak thlir a ni a, tlai lamah CAFA te huaihawtna hnuaiah Football final hmuhnawm tak thlir a ni bawk a, Chawngte ‘P’ FC ten kum 2024 I-Day Football Tournament a champion No pui an dawng bawk a ni.

 

 

 PRESS RELEASE

 No.20/2024

 CADC Monsoon Session Wraps Up in One Sitting

 

Kamalanagar, August 12, 2024: The Monsoon Session of the 11th Chakma Autonomous District Council for 2024 which commenced today was concluded with a single sitting at the Council’s Session Hall in Kamalanagar.

 

During the one-day session, the Report of the Comptroller and Auditor General of India on the Chakma Autonomous District Council for the fiscal year 2016-17 was placed before the house. The report was placed by Dg. Montu Chakma, i/c CEM on behalf of the House leader and Chief Executive Member, Dg. Rasik Mohan Chakma who is currently on an official tour to attend a meeting of the ADCs with regards to the amendment of the 6th Schedule to the Constitution of India.

 

The session was attended by 13 out of the 24 members of the house. Since, there was no other business to be transacted, the Monsoon Session was prorogued by the Chairman, CADC.

 

Published by: Information & Public Relations Department, Chakma Autonomous District Council, Kamalanagar.

 

 

 India hmarchhan Autonomous District Council hruaituten ADC te thawhho an rel.

 

August 10, 2024: Vawiin a Shillong a India hmarchhaka Autonomous District Council hrang hrang hruaitute inhmukhawm chuan hma an sawn theih nan kawng hrang hrangah thawhho nise an ti. 

 

India hmarchhaka Autonomous District Council Conference Vawi-1na vawiina Tripura Castle Heritage Club Shillong-a  neihah hian palai an kal tha hle a, he Conference hi  Khasi Hills Autonomous District Council chuan a thleng.

Autonomous District Council hruaitute kalkhawm chuan hmasawnna tha zawk an neihtheih nan te, in unauna tha zawk leh an mipuite inpawhtawnna leh inngainatna thuk zawk an neih theih nan thawhho tha an ti a, hmalakna hmasa atan Cultural Exchange buatsaih nise tiin, thawhhona lam buaipuitu tur Committee andin nghal a, Lai Autonomous District Council atangin he Committee ah hian Pu H. Lalmuansanga, Deputy Chairman member-ah dah a ni a, Adviser atan Pradyot Debbarma, Tiprah Motha Chief ruat a ni.

Hmarchhak a ADC Conference ah hian India danpui siamtha a, ADC ten dinhmun sang zawk an luah theih nan a hmalakna kalmek pawh sawilan niin, a hlawhtlin ngei theih nan theihtawp chhuah a bawhzui nise an ti.

Vawiin vek khan India danpui a Sixth schedule   dah a nih theih nana sulsutu Rev. JJM Nichols Roy lim Mawkasiang, Shillong a Meghalaya Deputy Chief Minister Pu Prestone Tynsong-an a hawnna-ah ADC hotute hi an tel.

JOINT NGO CHAWNGTE IN MIZORAM SORKAR ATANGA THU LAWMAWM AN HRIATLOH CHUAN INDEPENDENCE DAY BOYCOTT AN TUM

August 10, 2024: Vawiin khân Joint NGO Chawngte chuan Community Service Center, Chawngte 'P' ah join meeting neiin, Chawngte CHC leh Police Station a thawktu leh an mamawh dangte dahbelh sak tûra an ngenna leh, Chawngte khawchhung kawng siam chungchâng sorkar hnêna an thlen chungchanga hmalâk zêl dân tur an sawiho a ni.

Joint NGO Chawngte meetingah hian Joint NGO kaihruaitu tur Chairman, Secretary leh Treasurer te ruat thar an ni. Chairman atân Tv. Joseph Lalchhingpuia, Secretary atân Tv. Steven Lalramtluana, Treasurer atân Pu Sadan Bikash Chakma te chu ruat an ni.

He meeting ah hian Chawngte khawtlâng mamawh sorkara an thlen chungchang report ngaihthlâk ni in, Home Department aṭanga Police 8 Chawngte Police Station  ah dahbelh sak an nih thu ngaihthlâk a ni. PWD Minister hnêna Chawngte khaw chhung kawng chungchang an thlen pawh duhthusam a sorkar aṭanga hmalâkna a awm loh thu leh,  Health Minister hnêna an thlen, CHC, Chawngte a thawktu leh hmanraw dang indaihlohna chungchangah pawh hmalâkna duhthusam ala awmloh thu sawiin, an mamawh an thlen angte hlawhtlinna Ni 13 August thlenga an la hmuhloh chuan, Chawngte hmunah bîk kumin 2024 Independence Day chu Boycott tlang ni se ṭha an ti a ni.

Joint NGO Chawngte chuan Dt.18 July, 2024 khan Press Conference-ah Mizoram sorkar hnêna an khawtlângin an mamawh chi hrang hrang an thlen chungchangah, Dt.13.8.2024 thleng an ngaihchân tûr thu an lo sawi tawh a ni.

Joint NGO Chawngte chuan, India khua leh tui an nihna anga an basic necessities Mizoram sorkara an thlente Dt.13 August, 2024 tlai Dar 5:00PM hma a, a lehkha mai nilo, ataka tih hlawhtlin anih loh chuan, Independence Day hi boycott ni se tih meeting ah an rel a ni.

Joint NGO Chawngte ah hian Chawngte khua NGO lian zual YMA Branch leh Group, YLA Branch leh Sub Headquarters, CYCA, LDSA, MCSU, MSU, MZP, Central Chakma Mahila Samiti bâkah Chawngte 'P' Ṭhalai Pawl te an tel a ni.