International Literacy Day 2024, Mampui a hmannaah LADC Executive Member i/c. Education (M) Pu Andrew Laltlanzara chu khuallian niin a hmanpui

 

September  13, 2024 : Vawiin hian, Gov't Middle School Mampui-ah International Literacy Day 2024 chu hman a ni a, Pu Andrew Laltlanzara Executive Member, Middle School Education, LADC chuan  khuallian niin a hmanpui.

 

Pu Andrew Laltlanzara E.M. chuan thusawiin, vawiin a kan hun hman pawimawh taka lo kal khawm zawng zawngte chibai ka buk che u a, International Literacy Day hi, khawvel pumpuia hman a ni thina, khawvel hian a ngai pawimawh tak zet ani, a ti.

 

Pu Andrew Laltlanzara chuan, kum 2011 Census-ah khân, Lawngtlai District population zat chu 1,17,894 kan ni a, Covid-19 avangin Census neih chhunzawm theih a ni lo a, mithiamte chhût danin, tluang takin Census neih theih chu nise, Lawngtlai District chhungah hian 1,98,800 bawr vel mihring kan awm rin ani a ti.

 

A sawi zel naah, Mizoram hi India ram pumah ziak leh chhiar thiam tam tehna kawngah a pathumna dinhmun kan hauh mek laiin, Mizoram chhunga District 11 te zingah Lawngtlai District hi a hniam ber kan ni a, 65.88 literacy percent chauh kan ni a, tan kan lak angai hle a, hmasawn turin tan ila thar leh ang u, tiin ka sawm duh che u ani.

 

Department  Officer leh Staff-ten theih tawp kan chhuah mek lai hian, kan thlen chin atang hian hmasawn kan la ngai ani tih kan hriat atul hle, tun aia thahnemngai leh zualin, kan District in hma kan sawn theih nan tan ila thar leh ang u, kan veng, khawtlang, Kohhran leh chhûngkaw tin te'n hmasâwnna inkhairual taka kan neih theih nân, ziak leh chhiar thiamlote tan kan theihna zawnah theuh ke i pen zel ang u. Sap Missionary te'n A, AW, B min siam saka, kan Pi leh Pute kha ziak leh chhiar an lo zirtira, Pathian malsâwmna changin, chanchintha avangin Zofate chuan hmasâwnna ropui tak kan lo changta ani tih hria ila,  Missionary rilru puin hawh u ziak leh chhiar thiam lo, thiam chak em em si, kan u leh naute hi zirtir thiam ila, a kaihruaitu nih intum theuh ang u.

 

Tin, International Literacy Day thupui hrerengin, khawvel pumah, remna leh muanna rimawi tak alo chhuah theih nân, ziak leh chhiar thiamna kawngah tan la zelin, a theih chin chinah tawng hrang hrangte thiam tûrin inzir zel bawk ang u, a ti bawk.

 

He hun hi, Pu C. Sangthanzuala, DCAEO, LADC  chuan kaihruaiin, hunserh, Rev. Ngurliantluanga Chinzah in a hmanga, Pu Ramhnehzauva, Asst. Professor, Gov't Lawngtlai College pawhin thu a sawia, Pu F. Lalhmachhuana EEO (M/S) chuan lawmthu sawina a nei bawk.